ҮЙЛ ЯВДАЛ: НӨАТ-ын сугалааны тохирол явагдана

2026-02-11 - 01:38

Төрийн ордонд 08:00 цагт Засгийн газрын ээлжит хуралдаан үргэлжилж байна. 09:00 цагт Ерөнхийлөгчийн Тамгын газар, Монголын бизнесийн зөвлөл, Монголын байгалийн өв сангаас "Үндэсний ногоон лаб" хөтөлбөрийн нээлтийн арга хэмжээг зохион байгуулна. “Үндэсний мэдээллийн төв”-д 11:30 цагт Тэтгэврийн доод хэмжээг нэмэгдүүлэхийг шаардаж Монголын ахмадын холбоо, Хөгжлийн бэрхшээлтэй иргэдийн холбоо, Иргэний нийгмийн байгууллагуудаас мэдээлэл хийнэ. 12:00 цагт Уул уурхайнхны ашиглаж буй усны үнийг нэмэгдүүлэх, нэр бүхий уул уурхайн компаниудаас нөхөн төлбөр болон татварын 20 орчим сая долларыг төсөвт төвлөрүүлэхгүй байгаа асуудлаар ҮАБЗ-д хандаж экологич Д.Туяа мэдээлэл хийнэ. ХУД-ийн 118-р сургууль 12:00 цагт Монголын Эмнести Интернэшнл, Боловсролын Ерөнхий газар хамтран зохион байгуулж буй “Хүний эрхийн үзэл санааг хичээлийн хөтөлбөрт тусгах нь” ЕБС-ийн багш нарын улсын уралдааны шагнал гардуулах үйл ажиллагаа болно. Цахимаар 13:00 цагт НӨАТ-ын сугалааны тохирол явагдана. Үндэсний номын санд 13:00 цагт Уламжлалт сар шинийн баярыг угтаж "Ёс заншил ба цагаан сар" арга хэмжээ болно.