Dessert39 – Монгол дахь борлуулалтаараа дээд амжилт тогтоолоо
2026-03-17 - 05:37
Солонгосын десерт кафе брэнд Dessert39 нь Монгол дахь салбарууддаа түүхэн дээд борлуулалтыг бүртгэж, дотоодын зах зээлд солонгос десерт болон кафе соёлын эрэлт эрчимтэй өсөж буйг харууллаа. Уг брэндийг Монголын зах зээлд Бльюмон групп (Bluemon group) албан ёсны мастер франчайз эрхтэйгээр нэвтрүүлсэн бөгөөд Азийн орнуудаас анхлан энэхүү эрхийг эзэмшсэн онцлогтой юм. Dessert39 компанийн төв оффисын мэдээлснээр, 2026 оны гуравдугаар сарын 1-нээс 9-ний хооронд Монгол дахь салбаруудын нийт борлуулалт ойролцоогоор 138.14 сая төгрөгт хүрсэн байна. Энэ хугацаанд өдөр тутмын дундаж борлуулалт 15.35 сая төгрөг орчимд бүртгэгджээ. Зарим өдрүүдэд хоёр салбарын нийлбэр өдөр тутмын борлуулалт 48 сая төгрөгт хүрч, хэрэглэгчдийн эрэлт өндөр байгааг илтгэж байна. Есөн хоногийн хугацаанд нийт 4,289 гүйлгээ хийгдсэн нь өдөрт дунджаар 477 гүйлгээ болж байгаа бөгөөд нэг хэрэглэгчийн дундаж худалдан авалт 28,700 төгрөгт хүрсэн байна. Ялангуяа Dessert39-ийн Монгол дахь хоёр дахь салбар нэг өдрийн борлуулалтаараа 23.36 сая төгрөгт хүрч, нээгдсэнээс хойших хамгийн өндөр орлогыг бүртгэжээ. Харин эхний салбар тогтвортой гүйцэтгэл үзүүлж, өдөрт дунджаар 20.79 сая төгрөгийн борлуулалт хийсэн байна. Монгол Улсын эдийн засгийн хэмжээг харгалзан үзвэл эдгээр үзүүлэлтүүд онцгой анхаарал татаж байна. Олон улсын валютын сан (IMF)-гийн мэдээлснээр, Монгол Улсын нэг хүнд ногдох ДНБ (худалдан авах чадварын паритетээр) ойролцоогоор 21,000 ам.доллар байгаа нь БНСУ-ын 67,000 ам.долларын 30 орчим хувьтай тэнцэж байна. Энэ харьцуулалтаар Монголд өдөрт 20 сая вонтой тэнцэх борлуулалт нь Солонгосын зах зээлд 60 сая вон давсан хэрэглээтэй дүйцэхүйц гэж үзэж байна. Бүтээгдэхүүний хувьд “Dubai Chewy Cookie” нь хамгийн их эрэлттэй бүтээгдэхүүний нэг болж, борлуулалтын өсөлтөд чухал нөлөө үзүүлжээ. Зөөлөн атлаа шаржигнуур бүтэцтэй энэхүү Дубай хэв маягийн жигнэмэг нь хэрэглэгчдийн ам дамжсан яриагаар богино хугацаанд түгэн дэлгэрсэн байна. Тус бүтээгдэхүүнийг Монгол дахь салбаруудад компанийн Солонгос дахь төвөөс боловсруулсан жороор, орон нутагт үйлдвэрлэж байна. Мөн Dessert39 нь Солонгост тренд болж буй десертүүдийг Монголын зах зээлд богино хугацаанд нэвтрүүлж, хэрэглэгчдэд хамгийн сүүлийн үеийн десерт соёлыг мэдрүүлэхийг зорьж байна. Салбарын шинжээчдийн үзэж буйгаар, энэхүү гүйцэтгэл нь Монголд солонгос десерт брэнд болон K-кафе соёлын сонирхол хурдацтай нэмэгдэж байгааг илтгэж байна. Сүүлийн жилүүдэд загварлаг орчин, шинэ төрлийн десерт сонирхдог залуу хэрэглэгчдийн дунд кафе үйлчилгээний хэрэглээ эрс өссөн байна. Dessert39 компанийн төлөөлөгч хэлэхдээ, “Монголд кафе болон хоол үйлчилгээний хэрэглээ сүүлийн үед нэмэгдэж, манай борлуулалт тогтвортой өсөж байна. Бид цаашид олон төрлийн солонгос десерт, ялгарах кафе туршлагыг санал болгож, олон улсын зах зээл дэх үйл ажиллагаагаа өргөжүүлэх болно” гэжээ. Эх сурвалж: Businesskorea